Angliya Premyer-ligasida 2024/2025 yilgi mavsumda allaqachon sakkizta tur ortda qoldi. Jadvalga qarasangiz, to‘rtta jamoa g‘alaba ustunida hali ham nolga ega. «Vulverxempton», «Sautgempton», «Ipsvich» va «Kristal Pelas» haligacha g‘alaba qozona olmagan.
"Opta" statistik ma’lumotlariga ko‘ra, Angliya oliy divizionida sakkiz turdan so‘ng to‘rtta jamoa g‘alabasiz qolgan mavsum hech qachon bo‘lmagan. Yani Premyer-ligada o‘ziga xos holat yuzaga keldi.
Angliya chempionatining 9-tur uchrashuvlari 25, 26 va 27 oktyabr kunlari bo‘lib o‘tadi. Ehtimol, keyingi bir necha kundan keyin Premyer-liga turnir jadvalida bunday jamoalar soni kamroq bo‘lar.
