Madridning “Real” klubi hujumchisi Rodrigo Chempionlar ligasi doirasida “Borussiya Dortmund”ga qarshi o‘yinda (5:2) olgan jarohati haqida gapirdi.

23 yoshli futbolchi 85-daqiqada almashtirildi. Ma’lumotlarga ko‘ra, braziliyalik futbolchining tizzasidan olgan jarohati tufayli "Barselona"ga qarshi navbatdagi o‘yinni o‘tkazib yuborish ehtimoli yuqori.

“Qo‘llab-quvvatlagan so‘zlaringiz uchun tashakkur! Ertaga testlarni topshirishim kerak. Umid qilamanki, jarohat juda jiddiy bo‘lmaydi”, - deb yozdi Rodrigo “Borussiya” bilan o‘yin yakunlanganidan keyin ijtimoiy tarmoqlarda.