Joriy yilning 27-oktyabr kuni yurtimizda katta va muhim siyosiy jarayon – Oliy Majlis Qonunchilik palatasi va mahalliy kengashlar deputatlari saylovi bo‘lib o‘tadi.
Bugun Sport vazirligida vazir maslahatchisi Sharifjon Mo‘mindjanov hamda mas’ul xodimlar boshchiligida saylovlarda yoshlarning siyosiy va huquqiy bilimlarini oshirish yuzasidan vazirlikning 30 yoshgacha bo‘lgan xodimlari ishtirokida davra suhbati tashkil etildi.
Tadbir davomida ma’ruzachilar tomonidan aralash saylov tizimi, saylov kodeksidagi o‘zgarishlar hamda yangiliklar bo‘yicha huquqiy tushunchalar va ko‘nikmalar berildi.
