Karlo Anchelotti boshchiligidagi "Real Madrid" murabbiylar shtabi jamoaning birinchi raqamli darvozaboni Tibo Kurtuaning sog‘lig‘ini xavf ostiga qo‘ymoqchi emas.
Defensa Central xabariga ko‘ra, ukrainalik Andrey Lunin Chempionlar ligasi doirasidagi "Milan"ga qarshi o‘yinda asosiy tarkibda maydonga tushadi.
Anchelotti Kurtuaga jarohatning qaytalanishi ehtimolini istisno qilish uchun keyingi o‘yinlarda unga g‘amxo‘rlik qilish niyatida ekanligini aytdi. Shu tariqa, Tibo xalqaro tanaffusdan keyin maydonga qaytishi mumkin.
5 noyabr, seshanba kuni "Real" va "Milan" o‘rtasidagi Chempionlar ligasining umumiy bosqichi o‘yini bo‘lib o‘tadi. "Santyago Bernabeu"dagi bahs start hushtagi Toshkent vaqti bilan 01:00 da yangraydi.
