"Chelsi"ning hujumkor yarim himoyachisi Koul Palmer APL doirasida "Manchester Yunayted"ga qarshi o‘yinda (1:1) Lisandro Martinesning zarbasidan keyin o‘zini noqulay his qildi. The Telegraph xabariga ko‘ra, London klubi o‘z rahbarining ahvolidan xavotirda.

Palmer tibbiy ko‘rikdan o‘tadi. "Pensionerlar" lageri seshanba kuni futbolchining mashg‘ulotlarga qaytishiga umid qilmoqda. "Chelsi" bu hafta Konferensiyalar ligasi o‘yinini o‘tkazadi.

Keyingi o‘yinda Mareska shogirdlari Angliya chempionatida "Arsenal"ga qarshi bahs olib boradi. O‘yin 10 noyabr, yakshanba kuni bo‘lib o‘tadi.