"Bayer" bosh murabbiyi Xabi Alonso "Liverpul"ga sayyoh sifatida tashrif buyurmagani haqida ogohlantirdi.

Seshanba oqshomida "Liverpul" Chempionlar ligasi doirasida "Bayer"ni qabul qiladi. Germaniya jamoasini endilikda “qizillar”ning sobiq yarim himoyachisi Alonso boshqarmoqda.

"O‘shanda bor e’tiborimni "Bayer" bilan katta maqsadlarga erishishga qaratgandim. Keling, ertangi o‘yin haqida gapiraylik, bu mening kelajagimdan ko‘ra qiziqroq. Keling, ikkala jamoada ham bor buyuk futbolchilar haqida gapiraylik. Meni o‘ylayotgan narsa shu.

Bu yerga kelish biz uchun katta sinov. Ayni damda "Liverpul" Yevropaning eng yaxshi jamoalaridan biri bo‘lsa ham, ular buni juda kuchli Premyer-ligada va Chempionlar Ligasida ko‘rsatmoqda. Ularda yaxshi tarkib, yaxshi murabbiy bor. "Enfild"da bizni katta sinov kutmoqda.

Ko‘p yillardan keyin bu yerga qaytib kelish - ajoyib tuyg‘u. Bu yerda o‘zimni har doim o‘zgacha his qilaman. Klubning rivojlanishini darhol ko‘rishingiz mumkin - yangi tribunalar ajoyib ko‘rinadi.

Bugun ajoyib vaqtda "Liverpul"ga qarshi katta o‘yin bo‘ladi - bundan yaxshiroq bo‘lishi mumkin emas. Meni qanday kutib olishlari haqida ko‘p o‘ylamayman. Uchrashuvga qanday tayyorgarlik ko‘rish haqida o‘ylayman. Balki men sayrga yoki yugurishga borganimda xotiralarimga nazar solaman, men shaharni bilaman, men uni yaxshi ko‘raman, bu yerda hali ham do‘stlarim bor, lekin men bu yerga turist sifatida kelmadim", - dedi Alonso The Guardian bilan suhbatda.