"Manchester Siti" bosh murabbiyi Pep Gvardiola Jek Grilishning joriy mavsumdagi o‘yini haqida fikr bildirdi.

Oxirgi mavsumda bo‘lgani kabi hujumkor yarim himoyachi yana jarohatlardan aziyat chekmoqda. Aynan shuning uchun ham angliyalik futbolchi so‘nggi uch hafta davomida maydonga tushmadi, ammo bu terma jamoa bosh murabbiyi Li Karslining uni noyabr oyidagi o‘yinlarga chaqirishiga to‘sqinlik qila olmadi.

"Jekning ikki yoki uchta jarohati bor edi va o‘z ritmiga kira olmadi va bu yagona muammo. U optimist bo‘lib qolishi kerak, biz ham shunday bo‘lishimiz kerak. U o‘ynash uchun formaga kirishi kerak. Bu muammolar nafaqat Grilish, balki boshqa ko‘plab o‘yinchilarimizga ham ta’sir qiladi. Bu haqiqat", - deya Gvardioladan iqtibos keltiradi City Xtra.