"Манчестер Сити" бош мураббийи Пеп Гвардиола Жек Грилишнинг жорий мавсумдаги ўйини ҳақида фикр билдирди.

Охирги мавсумда бўлгани каби ҳужумкор ярим ҳимоячи яна жароҳатлардан азият чекмоқда. Айнан шунинг учун ҳам англиялик футболчи сўнгги уч ҳафта давомида майдонга тушмади, аммо бу терма жамоа бош мураббийи Ли Карслининг уни ноябрь ойидаги ўйинларга чақиришига тўсқинлик қила олмади.

"Жекнинг икки ёки учта жароҳати бор эди ва ўз ритмига кира олмади ва бу ягона муаммо. У оптимист бўлиб қолиши керак, биз ҳам шундай бўлишимиз керак. У ўйнаш учун формага кириши керак. Бу муаммолар нафақат Грилиш, балки бошқа кўплаб ўйинчиларимизга ҳам таъсир қилади. Бу ҳақиқат", - дея Гвардиоладан иқтибос келтиради City Xtra.