"Milan"ning himoyadagi muammolari italyan matbuotida tanqid qilinmoqda. Jamoa bu mavsumda 15 o‘yinda 20 ta gol o‘tkazib yubordi.
Ayni paytda o‘tkazib yuborilgan gollar bo‘yicha A Seriyada yettinchi o‘rinda borayotgan “rossonerilar”ning himoyadagi kamchiliklari yaqinda “Kalyari”ga qarshi o‘yinda (3:3) yaqqol ko‘rinib qoldi.
Murabbiy Paulo Fonseka o‘yindan so‘ng bundan xafaligini bildirib, jamoada tajovuzkorlik yo‘qligi va havodagi kurashlardagi yomon o‘yinni ta’kidladi.
"Bizning bugungi muammomiz hujumda emas, himoyada edi", dedi Fonseka.
"Milan" xalqaro tanaffusdan so‘ng "Yuventus"ga qarshi o‘yinga tayyorgarlik ko‘rayotgan bir paytda, himoyaviy tashkilotchilik va mentalitetni keskin yaxshilashi kerak.
