"Милан"нинг ҳимоядаги муаммолари итальян матбуотида танқид қилинмоқда. Жамоа бу мавсумда 15 ўйинда 20 та гол ўтказиб юборди.
Айни пайтда ўтказиб юборилган голлар бўйича А Серияда еттинчи ўринда бораётган “россонерилар”нинг ҳимоядаги камчиликлари яқинда “Кальяри”га қарши ўйинда (3:3) яққол кўриниб қолди.
Мураббий Пауло Фонсека ўйиндан сўнг бундан хафалигини билдириб, жамоада тажовузкорлик йўқлиги ва ҳаводаги курашлардаги ёмон ўйинни таъкидлади.
"Бизнинг бугунги муаммомиз ҳужумда эмас, ҳимояда эди", деди Фонсека.
"Милан" халқаро танаффусдан сўнг "Ювентус"га қарши ўйинга тайёргарлик кўраётган бир пайтда, ҳимоявий ташкилотчилик ва менталитетни кескин яхшилаши керак.
