"Chelsi" himoyachisi Uesli Fofana tizzasi og‘riganini aytib, Fransiya terma jamoasiga chaqiruvga javob qaytara olmadi.
23 yoshli Fofana joriy mavsumda "Chelsi"ning asosiy o‘yinchisi bo‘lib, "ko‘klar"ning Premyer-ligadagi 11 o‘yinidan 10 tasida maydonga tushdi.
Fofana bir kun oldin "Arsenal"ga qarshi to‘liq o‘ynadi (1:1) va bugun u xalqaro tanaffusda Millatlar ligasida Isroil va Italiyaga qarshi o‘ynaydigan Fransiya terma jamoasi ixtiyoriga yetib borishi kerak edi.
Biroq, bugun Fofana Klerfontenga kelmasligi ma’lum bo‘ldi. Ueslining birdan tizzasi yomon bo‘lib qoldi, shuning uchun "Chelsi" vakili o‘rniga fransuzlar "Inter"dan Benjamin Pavardni taklif qilishdi.
