Angliya terma jamoasi sardori Garri Keyn Tomas Tuxelning terma jamoaga tayinlanishidan hayratda qolganini tan oldi.
Ushbu haftada Gresiya va Irlandiyaga qarshi Millatlar ligasi o‘yinlaridan so‘ng, Angliya terma jamoasining vaqtinchalik bosh murabbiyi Li Karsli jamoani Tuxelga topshiradi, u "uch sherlar"ni 2026 yilgi jahon chempionatiga tayyorlaydi.
"To‘g‘risini aytsam, hayron bo‘ldim. Buni kutmagandim. Men o‘tgan yili Tomas bilan ishlaganman va biz juda yaxshi munosabatda edik. Men uning klub futboliga qaytishini kutgandim, lekin hayratda qoldim. U muhim rol o‘ynadi. "Bavariya"ga o‘tishimdagi rolim u ko‘p qirrali inson va men u jamoaga katta kuch va ishtiyoq qo‘shishini his qilyapman.
Katta turnirda g‘alaba qozonish uchun eng yaxshi murabbiyni tanlashga harakat qilish kerak, va biz hozir shu yerdamiz. G‘alaba qozonish uchun bir qadam qoldi va Tomasda g‘alaba qozonish ruhi bor. U, ayniqsa, muhim turnirlarida yaxshi.
Taktik jihatdan u eng yaxshi murabbiylardan biri. "Bavariya"da u qandaydir ish uslubiga ega edi, ammo bu "Chelsi"dan farqli edi va biz bilan qanday bo‘lishini ko‘rish qiziq. Taktik jihatdan u ajoyib aqlga ega va u muhim bo‘lgan barcha mayda-chuyda tafsilotlarni tushunadi", - dedi Keyn The Independent bilan suhbatda.
