"Bavariya" va Angliya terma jamoasi hujumchisi Xarri Keynning fikricha, Premyer-ligada qishki tanaffus bo‘lishi kerak.
"Uch sherlar" sardorining so‘zlariga ko‘ra, mavsum o‘rtasidagi uzoq tanaffus futbolchilar uchun juda muhimdir.
"O‘tgan yili men o‘z faoliyatimda birinchi marta uzoq qishki tanaffus tajribasiga ega bo‘ldim. Bu haqiqatan ham menga qiyin davrda tiklanishimga yordam berdi. Afsuski, Premer-ligada bunday tanaffus yo‘q. Hech bo‘lmaganda bir hafta yoki shunga yaqin dam olish va kuch to‘plash imkoniga ega bo‘lish juda muhim," - dedi Keyn.
