“Aston Villa” darvozaboni Emiliano Martines Argentina terma jamoasining muvaffaqiyatlari va yaqin kelajagi haqida gapirdi. 32 yoshli darvozabon Peruga qarshi o‘tgan yilning so‘nggi o‘yinida (1:0) "albiselesta"ning g‘alabasiga yordam berdi.
Argentinaliklar 12 turdan keyin 25 ochko bilan saralash guruhida peshqadamlik qilmoqda va ikkinchi o‘rindagi Urugvaydan 5 ochko oldinda.
"Bu yil bizda faxrlanadigan narsa bor. Biz yana Amerika chempioniga aylandik, saralash bosqichida birinchi o‘rindamiz, o‘yin borasida hech kimdan kam emasmiz. Oldinda bizni Ispaniya bilan Finalissima va jahon chempionati kutib turibdi.
Ko‘pgina yosh futbolchilarimiz o‘yin daqiqalariga ega bo‘lmoqdalar, ularga davomiylik kerak. Biz faxrlanishimiz kerak. Biz eng yaxshi jamoa bo‘lishni istaymiz va kelajakda hali ko‘p ish qilishimiz kerak", - deydi Emiliano Martines.
