"Tottenxem" yarim himoyachisi Rodrigo Bentankur irqchilikda ayblanib, uzoq muddatga diskvalifikasiya qilindi. Urugvaylik futbolchi Angliyada ichki turnirlarda yettita o‘yinni o‘tkazib yuborishi kerak. Yozda Bentankur Son Xyon Min haqida gapirib, koreys futbolchilarini ajratib olish qiyin degan jumlani ishlatgandi. Albatta, bu gap shov-shuvga sabab bo‘ldi.
The Telegraph nashrining xabar berishicha, "Tottenxem" Bentankur bo‘yicha qaror ustidan apellyasiya shikoyati beradi. London klubi jazoning o‘zi emas, balki uning muddati ustidan shikoyat qiladi.
Manbaning ta’kidlashicha, Bentankurning diskvalifikasiyasi bir matchdan ortiq (oltitagacha) qisqartirilishi dargumon, ammo buning uchun "Tottenxem" kurashadi.
Shuningdek, xabarda APLning boshqa klublari bu ish bo‘yicha hukmdan hayratda qolgani aytiladi.
