"Тоттенхэм" ярим ҳимоячиси Родриго Бентанкур ирқчиликда айбланиб, узоқ муддатга дисквалификация қилинди. Уругвайлик футболчи Англияда ички турнирларда еттита ўйинни ўтказиб юбориши керак. Ёзда Бентанкур Сон Хён Мин ҳақида гапириб, корейс футболчиларини ажратиб олиш қийин деган жумлани ишлатганди. Албатта, бу гап шов-шувга сабаб бўлди.
The Telegraph нашрининг хабар беришича, "Тоттенхэм" Бентанкур бўйича қарор устидан апелляция шикояти беради. Лондон клуби жазонинг ўзи эмас, балки унинг муддати устидан шикоят қилади.
Манбанинг таъкидлашича, Бентанкурнинг дисквалификацияси бир матчдан ортиқ (олтитагача) қисқартирилиши даргумон, аммо бунинг учун "Тоттенхэм" курашади.
Шунингдек, хабарда АПЛнинг бошқа клублари бу иш бўйича ҳукмдан ҳайратда қолгани айтилади.
