Hujumkor yarim himoyachi Xvicha Kvarasxeliya yaqin kelajakda klubini almashtirishi mumkin. «Transfer News Live» nashri «La Gazzetta Dello Sport» nashriga tayanib xabar berishicha, agar «Napoli» Xvicha bilan shartnomani uzaytirolmasa, uni sotadi.
Qayd etilishicha, «Napoli» yangi shartnomaning moliyaviy shartlari bo‘yicha Kvarasxeliya bilan kelisha olmayapti. Avvalroq, muzokara jarayoni boshi berk ko‘chaga kirib qolgani haqida ma’lumotlar paydo bo‘lgan edi.
23 yoshli Xvicha Kvarasxeliyaga Yevropaning boshqa top-klublari, xususan, «Barselona» va «PSJ» qiziqish bildirmoqda. Nufuzli «Transfermarkt» portali mutaxassislari gruzinni 80 million yevroga baholamoqda.
