Ҳужумкор ярим ҳимоячи Хвича Кварацхелия яқин келажакда клубини алмаштириши мумкин. «Transfer News Live» нашри «La Gazzetta Dello Sport» нашрига таяниб хабар беришича, агар «Наполи» Хвича билан шартномани узайтиролмаса, уни сотади.
Қайд этилишича, «Наполи» янги шартноманинг молиявий шартлари бўйича Кварацхелия билан келиша олмаяпти. Аввалроқ, музокара жараёни боши берк кўчага кириб қолгани ҳақида маълумотлар пайдо бўлган эди.
23 ёшли Хвича Кварацхелияга Европанинг бошқа топ-клублари, хусусан, «Барселона» ва «ПСЖ» қизиқиш билдирмоқда. Нуфузли «Transfermarkt» портали мутахассислари грузинни 80 миллион еврога баҳоламоқда.
