Italiyalik mashhur sobiq darvozabon Janluidji Buffon 2021 yilda «Barselona» unga taklif bilan chiqqanini esladi.
«Menga «Barselona»da ikkinchi darvozabon bo‘lish taklifi bo‘lgandi. Menga Ronaldu bilan bir jamoada bo‘lganimdan keyin Messi bilan birga o‘ynash g‘oyasi yoqdi. Lekin bir kuni men mashinada ketayotgan edim, radioda menga yoqqan va o‘n yildan beri eshitmagan «Bella» qo‘shig‘i yangradi. Men yuqoriga qaradim va yo‘lda «Parma» belgisini ko‘rdim. Bu belgi edi. Shunday qilib, hammasi boshlangan joyga bordim», - dedi Buffon.
