Ispaniya La ligasi matbuot xizmati noyabr oyida eng yaxshilar nomi uchun kurashadigan futbolchilar nomini e’lon qildi. Mukofotga da’vogarlar orasida «Real» vingeri Vinisius Junior, «Barselona» yarim himoyachisi Dani Olmo, «Real Sosyedad» vingeri Takefusa Kubo, «Jirona» himoyachisi Arnau Martines va «Atletiko» hujumchisi Juliano Simeone bor.
Eslatib o‘tamiz, o‘tgan 13 tur natijalariga ko‘ra, «Barselona» 33 ochko bilan yaqqol birinchi o‘rinni egallab turibdi. «Real Madrid» 6 ochko ortda qolmoqda, «Los Blancos» 27 ochkoga ega. 13 o‘yindan keyin 26 ochko bilan uchinchi o‘rinni «Atletiko Madrid» egallab turibdi.
