Liga 1'da beshinchi o‘rinda borayotgan “Lion” mavsumni munosib boshladi va Chempionlar ligasi yo‘llanmasi uchun kurashmoqda. Biroq klubning moliyaviy ahvoli xavotirga sabab bo‘lmoqda.
Agar vaziyat yaxshilanmasa, klub Liga 2 ga vaqtincha tushib ketadi. Chap qanot himoyachisi Nikolas Talyafiko o‘z klubi bilan bog‘liq xabarlardan xavotirda emasligini aytdi.
"Hali hech qanday yangilik yo‘q, kelasi yilning iyuniga qadar shartnomam bor. Klubda vaziyat yaxshi, vahima qilishning hojati yo‘q. Moliyaviy vaziyat hal bo‘ladi, bizga shunday deyishdi. Bunga erishish uchun astoydil harakat qilyapmiz", – deydi futbolchi.
Nikolas Talyafiko joriy mavsumda 8 ta o‘yin o‘tkazib, bitta gol urgan.
