Лига 1'да бешинчи ўринда бораётган “Лион” мавсумни муносиб бошлади ва Чемпионлар лигаси йўлланмаси учун курашмоқда. Бироқ клубнинг молиявий аҳволи хавотирга сабаб бўлмоқда.
Агар вазият яхшиланмаса, клуб Лига 2 га вақтинча тушиб кетади. Чап қанот ҳимоячиси Николас Тальяфико ўз клуби билан боғлиқ хабарлардан хавотирда эмаслигини айтди.
"Ҳали ҳеч қандай янгилик йўқ, келаси йилнинг июнига қадар шартномам бор. Клубда вазият яхши, ваҳима қилишнинг ҳожати йўқ. Молиявий вазият ҳал бўлади, бизга шундай дейишди. Бунга эришиш учун астойдил ҳаракат қиляпмиз", – дейди футболчи.
Николас Тальяфико жорий мавсумда 8 та ўйин ўтказиб, битта гол урган.
