"Milan" muxlislari jamoaning "Yuventus" bilan bahsdagi o‘yinidan norozi bo‘lishdi.
"San-Siro" stadionida A Seriyaning 13-tur uchrashuvi bo‘lib o‘tdi va durang (0:0) bilan yakunlandi.
Final hushtagi yangragach, milanlik muxlislar jamoaga norozilik bildirishdi. Himoyachi Emerson Royal ikkinchi bo‘limda Kenan Yildizga qarshi yomon o‘yin ko‘rsatganidan so‘ng, zaxiraga olinishi chog‘ida hushtakbozlikka uchradi.
Paulo Fonseka shogirdlari "Yuventus" darvozasiga bitta zarba yo‘lladi, "byankonerilar" esa ikki bor zarba berishdi.
"Milan" 17 ochko bilan turnir jadvalida 7-o‘rinda bormoqda va bir zaxira o‘yini bor. "Yuventus" 25 ochko bilan bir pog‘ona yuqorida joylashgan.
