"Милан" мухлислари жамоанинг "Ювентус" билан баҳсдаги ўйинидан норози бўлишди.
"Сан-Сиро" стадионида А Сериянинг 13-тур учрашуви бўлиб ўтди ва дуранг (0:0) билан якунланди.
Финал ҳуштаги янграгач, миланлик мухлислар жамоага норозилик билдиришди. Ҳимоячи Эмерсон Рояль иккинчи бўлимда Кенан Йилдизга қарши ёмон ўйин кўрсатганидан сўнг, захирага олиниши чоғида ҳуштакбозликка учради.
Пауло Фонсека шогирдлари "Ювентус" дарвозасига битта зарба йўллади, "бьянконерилар" эса икки бор зарба беришди.
"Милан" 17 очко билан турнир жадвалида 7-ўринда бормоқда ва бир захира ўйини бор. "Ювентус" 25 очко билан бир поғона юқорида жойлашган.
