Ispaniya chempionatining 14-turi doirasida "Real Madrid" mehmonda "Leganes" jamoasi mehmoni bo‘ldi. Madridliklar mazkur o‘yinda yirik hisobda g‘alaba qozonishdi.

Birinchi bo‘limning 43-daqiqasida Kilian Mbappe hisobni ochdi. Unga Vinisius Junior assistentlik qildi.

Ikkinchi bo‘limning 66-daqiqasida Federiko Valverde jarima zarbasini kuchli amalga oshirdi va to‘pni darvoza to‘riga joylab qo‘ydi.

O‘yin tugashiga 5 daqiqa qolganida Brahim Dias jarima maydoni tashqarisidan zarba berdi. To‘singa tegib qaytgan to‘pni Jud Bellingem bo‘sh qolgan darvozaga joylab qo‘ydi.

Mazkur g‘alaba orqali "Real Madrid" o‘z ochkolarini 30 taga yetkazib oldi. Jamoa bitta zaxira o‘yiniga ega bo‘lgan holda "Barselona"dan 4 ochko ortda qolmoqda.

Ispaniya chempionati, 14-tur
Leganes – Real Madrid 0:3 (0:1, 0:2)
Gollar: 0:1 – 43 Mbappe, 0:2 – 66 Valverde, 0:3 – 85 Bellingem.
Leganes – Dmitrovich, Xavi, Nastasich, Serxio Gonsales, Munir (Raba, 59), Brashanas (Aller, 75), Xuan Krus, Neu (Chikko, 58), Tapiya, Altimira (RozYE, 75), de la Fuente (Diyego Garsiya, 86).
Real Madrid – Kurtua, Fran Garsiya, Ryudiger, Asensio, Valverde, Bellingem (Endrik, 87), Sebalyos, Kamavinga, Gyuler (Braim Dias, 75), Mbappe (Modrich, 83), Vinisius Junior.
Ogohlantirishlar: de la Fuente (49), Altimira (69).