"Bavariya" bosh murabbiyi Vensan Kompani Joshua Kimmixning shartnomasi tugashi bilan bog‘liq vaziyatga izoh berdi.
O‘ng qanotda o‘ynay oladigan yarim himoyachi mavsum oxirida erkin agentga aylanishi mumkin. Tomonlar muzokaralar olib bormoqda, biroq hozircha kelishuvga erishmagan.
"Kimmixning ahamiyati? U har daqiqada o‘ynadi, shuning uchun javob aniq. U biz uchun qanchalik muhimligini barcha uchrashuvlarda isbotlab bermoqda. Shartnoma tafsilotlari mening ishim emas. Mening vazifam o‘yinchilarni motivasiya, ruhiyatda va "Bavariya" uchun kurashishga tayyor turishidir. Men bularning barchasini Joshuada har kuni ko‘raman. Qolgan masalalar u va klub o‘rtasida hal qilinadi va men buni hurmat qilaman", — dedi Kompani.
