OCHL-2 turnirining 5-turidan o‘rin olgan o‘yin 27 noyabr, chorshanba kuni bo‘lib o‘tdi.

“Nasaf” Qarshidagi “Markaziy” stadionida “Kuvayt SK”ga qarshi bahs olib bordi. Uchrashuvning 43-daqiqasida Zoran Marushich hisobni ochdi.

Ikkinchi bo‘lim avvali – 47 daqiqada esa Yahyo Jabrane penaltidan hisobni tenglashtirdi. Oradan 8 daqiqa o‘tib, Ahmad Ismoil gol urib, jamoasini hisobda oldinga olib chiqdi. Qarshiliklar o‘yin oxiriga qadar qanchalik harakat qilishmasin, raqib darvozasiga yo‘l topa olishmadi. Boz ustiga, qo‘shib berilgan daqiqalarda Abduvohid Ne’matov maydondan chetlatildi. U so‘nggi turda "Nasaf"ga yordam bera olmaydi.

"Nasaf" ushbu mag‘lubiyatdan keyin 4 ochko bilan "D" guruhida 4-pog‘onaga tushgan bo‘lsa, "Kuvayt SK" 5 ochko bilan 3-o‘ringa ko‘tarildi. "Ajdarlar" keyingi bosqichga chiqish imkoniyatni saqlab qolishi uchun hozir bo‘lib o‘tayotgan "Al-Hussayn" - "Shabab al-Ahli" o‘yinida mezbonlar g‘alaba qozonishi kerak.

Ro‘ziqul Berdiyev jamoasi ilk turda “Kuvayt” bilan 0:0 hisobida durang qayd etgandi. 2-turda esa “Shabob al Ahli”ni mag‘lub etgandi. 3-turda aynan “Al Husseyn”ga qarshi bahsda 1:2 hisobida mag‘lub bo‘lgandi. 4-turda esa “Nasaf” “Al Husseyn”ga 1:2 hisobida imkoniyatni boy bergandi.

OCHL-2, 5-tur bahsi
27 noyabr, chorshanba
“Nasaf” – “Kuvayt SK” 1:2
Gollar: 1:0 — 43 Zoran Marushich, 1:1 — 47 Yahyo Jabrane (penalti), 1:2 — 55 Ahmad Ismoil.
“Nasaf”: 35.Abduvohid Ne’matov, 4.Dilshodjon Komilov, 5.G‘olib G‘aybullayev (6.Murodbek Rahmatov, 62), 7.Akmal Mozgovoy, 9.Javohir Siddiqov, 10.Bobur Abduholiqov (20.Viktor da Silva, 62), 19.Stefan Cholovich, 22.Igor Golban, 32.Zoran Marushich, 34.SHerzod Nasrullayev, 70.Jambuli Jigauri.
“Kuvayt SK”: 40.Abdulrahmon Marzuq, 2.Sami Al-Sana, 8.Ahmad Al Defiri, 9.Faysal Al Harbi, 11.Muhammad Abdulloh, 14.Amr Ahmad Ismoil, 22.Amine Abulfath, 23.Muhammad Al Rashidi, 27.Taha Yassin Kenissi, 35.Arsene Zola Kiaku, 37. Yahyo Jabrane.
Chetlatish: Abduvohid Ne’matov 90+5