"Real" yarim himoyachisi Luka Modrich hujumchi Kilian Mbappening Chempionlar ligasi guruh bosqichi 5-turidan o‘rin olgan "Liverpul"ga (0:2) qarshi o‘yindagi harakatlari haqida gapirdi. Uchrashuv davomida Mbappe penaltidan foydalana olmadi.
"Bizda o‘yinning borishini o‘zgartirishi mumkin bo‘lgan penalti bor edi, ammo biz buni amalga oshira olmadik va 0:2 hisobida o‘yin deyarli yutqazildi. Biz Mbappeni yaxshi holatda ko‘ryapmiz, u yaxshi mashq qiladi va o‘ziga ishonadi. Ba’zida hammasi joyida bo‘ladi, ba’zida esa yo‘q, ayniqsa penaltida. Biz unga ishonamiz va u albatta uddasidan chiqadi", - deya Modrich so‘zlarini keltiradi Mundo Deportivo.
Mbappe joriy mavsum Chempionlar ligasida 5 ta o‘yinda maydonga tushib, bitta gol urdi va bitta golli uzatmani amalga oshirdi.
