"Реал" ярим ҳимоячиси Лука Модрич ҳужумчи Килиан Мбаппенинг Чемпионлар лигаси гуруҳ босқичи 5-туридан ўрин олган "Ливерпуль"га (0:2) қарши ўйиндаги ҳаракатлари ҳақида гапирди. Учрашув давомида Мбаппе пенальтидан фойдалана олмади.

"Бизда ўйиннинг боришини ўзгартириши мумкин бўлган пенальти бор эди, аммо биз буни амалга ошира олмадик ва 0:2 ҳисобида ўйин деярли ютқазилди. Биз Мбаппени яхши ҳолатда кўряпмиз, у яхши машқ қилади ва ўзига ишонади. Баъзида ҳаммаси жойида бўлади, баъзида эса йўқ, айниқса пенальтида. Биз унга ишонамиз ва у албатта уддасидан чиқади", - дея Модрич сўзларини келтиради Mundo Deportivo.

Мбаппе жорий мавсум Чемпионлар лигасида 5 та ўйинда майдонга тушиб, битта гол урди ва битта голли узатмани амалга оширди.