Payshanba kuni “Manchester Yunayted” Yevropa ligasi doirasida “Budyo-Glimt”ni 3:2 hisobida mag‘lub etdi. Himoyachi Diogo Dalot joriy mavsumda ilk bor “qizil iblislar”ning asosiy tarkibidan chetda qoldi. Jamoa boshqaruvchisi Ruben Amorim bu borada fikr bildirdi.
"Dalot juda kuchli. Ba’zan biz almashtirishga majbur bo‘lamiz, u mashina emas. U yaxshi futbolchi. U o‘ng qanotda yaxshiroq va biz uni u yerda tez-tez ishlatamiz, garchi u ikkala qanotda o‘ynashga qodir. U jamoaga yordam bera oladi va u biz uchun juda muhim. U o‘yin uchun yashaydi", - dedi Amorim.
"Manchester Yunayted" ayni damda Angliya Premyer-ligasi turnir jadvalida 12-o‘rinni egallab turibdi.
