"Real" hujumchisi Kilian Mbappe hali klubda umidlarni oqlamadi.

Fransiyalik futbolchi 18 ta o‘yinda 9 ta gol urdi va 2 ta golli uzatmani amalga oshirdi. 25 yoshli forvard ko‘pincha o‘zining sust o‘yinlari uchun tanqid qilinadi va jamoadagi muvozanat buzilishining asosiy sabablaridan biri sifatida ko‘riladi, ammo uning jamoadoshlari hamon futbolchi haqida yuqori fikrda ekani ko‘rinadi. Diario AS xabariga ko‘ra, Mbappe jamoada to‘liq qo‘llab-quvvatlanmoqda. "Real Madrid" kiyinish xonasi Kilianning qiyinchiliklariga qaramay, dunyoning eng yaxshi futbolchilaridan biri ekanligiga ishonch bildirmoqda.

Mbappe o‘tgan yozda "PSJ"dan erkin agent sifatida madridliklar safiga qo‘shildi.