Yakshanba kuni “Los Blankos” o‘z maydonida “Xetafe”ni 2:0 hisobida ishonchli tarzda mag‘lub etdi. Bu o‘yinda "Palmeyras"dan "Real"ga o‘tib, o‘z formasini topa olmayotgan braziliyalik Endrik zaxirada qoldi. O‘yindan so‘ng Karlo Anchelotti 18 yoshli hujumchi qanday sharoitda maydonga tushishi mumkinligini tushuntirdi.
"U o‘ynashi uchun nima kerak? U ishlashi kerak. U maydonga chiqmadi, chunki Mbappe juda xavfli edi, boshqalar ham yaxshi o‘ynadi. U keyingi o‘yinga tayyor bo‘ladi", - deya "Real Madrid" ustozi so‘zlarini keltiradi Marca.
Joriy mavsumda Endrik 12 ta o‘yinda maydonga tushib, 2 ta gol va bitta golli uzatmaga mualliflik qilgan.
