Якшанба куни “Лос Бланкос” ўз майдонида “Хетафе”ни 2:0 ҳисобида ишончли тарзда мағлуб этди. Бу ўйинда "Палмейрас"дан "Реал"га ўтиб, ўз формасини топа олмаётган бразилиялик Эндрик захирада қолди. Ўйиндан сўнг Карло Анчелотти 18 ёшли ҳужумчи қандай шароитда майдонга тушиши мумкинлигини тушунтирди.
"У ўйнаши учун нима керак? У ишлаши керак. У майдонга чиқмади, чунки Мбаппе жуда хавфли эди, бошқалар ҳам яхши ўйнади. У кейинги ўйинга тайёр бўлади", - дея "Реал Мадрид" устози сўзларини келтиради Marca.
Жорий мавсумда Эндрик 12 та ўйинда майдонга тушиб, 2 та гол ва битта голли узатмага муаллифлик қилган.
