“Manchester Yunayted” futbolchilari Nussair Mazrauini qo‘llab-quvvatlab, kamalak rangli kurtka kiyishdan bosh tortishdi.
O‘tgan haftada Premyer-ligada "Rainbow Laces" promo-kodi bo‘lib o‘tdi. Uning doirasida jamoa sardorlari kamalak ranglari elementlari bilan maydonga kirishlari kerak edi.
Avvalroq Angliya futbol assosiasiyasi (FA) diniy shiorlar taqiqlangani uchun “Kristal Pelas” himoyachisi Mark Gexini kamalak bog‘ichiga "Men Isoni sevaman" deb yozgani uchun jazolashi mumkinligi ma’lum bo‘lgan edi.
The Athletic nashri xabariga ko‘ra, "Manchester Yunayted" futbolchilari 1 dekabr kuni "Everton"ga qarshi o‘yinda (4:0) Adidas kompaniyasining kamalak rangli kurtkalarini kiyishlari kutilgandi.
Biroq yozda Myunxenning “Bavariya” klubidan 15 million funt sterlingga sotib olingan marokashlik futbolchi Mazraui musulmon va dindor ekanligini aytib, bunday kiyimni kiyishdan bosh tortdi.
Shundan so‘ng jamoa Mazraui bu imo-ishorani omma oldida rad etmasligi uchun hech bir o‘yinchi xuddi shunday kurtka kiymasligiga qaror qildi. Qaror yakshanba kungi o‘yindan bir necha soat oldin qabul qilingan.
