"Manchester Siti" boshqaruvchisi Pep Gvardiola jamoa inqirozining sabablaridan birini aytib o‘tdi. "Siti" barcha musobaqalardagi so‘nggi 9 uchrashuvning faqat bittasida g‘alaba qozongan, olti marta mag‘lub bo‘lgan.
Hozirda Angliyaning amaldagi chempioni Premyer-liga turnir jadvalida bor-yo‘g‘i to‘rtinchi o‘rinni egallab turibdi.
"Biz futbolchilardan juda ko‘p narsani talab qildik. Yillar davomida ular muvaffaqiyatga erishib, barcha turnirlarda hal qiluvchi bosqichlarni bosib o‘tishdi, shuning uchun ular kam dam olishdi. Ertami-kechmi tana yukga bardosh bera olmaydigan vaqt keladi. Bu mavsumda shifokorlar va fizioterapevtlar aql bovar qilmaydigan darajada ishlamoqda. Men hech qachon bunaqasini ko‘rmaganman", - deydi Gvardiola.
