"Манчестер Сити" бошқарувчиси Пеп Гвардиола жамоа инқирозининг сабабларидан бирини айтиб ўтди. "Сити" барча мусобақалардаги сўнгги 9 учрашувнинг фақат биттасида ғалаба қозонган, олти марта мағлуб бўлган.
Ҳозирда Англиянинг амалдаги чемпиони Премьер-лига турнир жадвалида бор-йўғи тўртинчи ўринни эгаллаб турибди.
"Биз футболчилардан жуда кўп нарсани талаб қилдик. Йиллар давомида улар муваффақиятга эришиб, барча турнирларда ҳал қилувчи босқичларни босиб ўтишди, шунинг учун улар кам дам олишди. Эртами-кечми тана юкга бардош бера олмайдиган вақт келади. Бу мавсумда шифокорлар ва физиотерапевтлар ақл бовар қилмайдиган даражада ишламоқда. Мен ҳеч қачон бунақасини кўрмаганман", - дейди Гвардиола.
