Madridning «Real» klubi «Jirona»ning chexiyalik himoyachisi Ladislav Kreychiga qiziqish bildirmoqda, deya xabar beradi «Defence Central».

Manbaga ko‘ra, 25 yoshli futbolchi «Jirona» va «Real» o‘rtasidagi so‘nggi to‘qnashuvda «qirollik klubi» prezidenti Florentino Peresni shaxsan hayratda qoldirgan. Qizig‘i, «qizil-oqlar» o‘sha o‘yinda 0:3 hisobida mag‘lub bo‘lishdi.

2024/25 yilgi mavsumda Ladislav Kreychi klub miqyosida 15 ta o‘yin o‘tkazib, 2 ta gol va 1 ta golli uzatmani amalga oshirgan. «Transfermarkt» portali uning narxini 10 million yevroga baholamoqda.