Мадриднинг «Реал» клуби «Жирона»нинг чехиялик ҳимоячиси Ладислав Крейчига қизиқиш билдирмоқда, дея хабар беради «Defence Central».

Манбага кўра, 25 ёшли футболчи «Жирона» ва «Реал» ўртасидаги сўнгги тўқнашувда «қироллик клуби» президенти Флорентино Пересни шахсан ҳайратда қолдирган. Қизиғи, «қизил-оқлар» ўша ўйинда 0:3 ҳисобида мағлуб бўлишди.

2024/25 йилги мавсумда Ладислав Крейчи клуб миқёсида 15 та ўйин ўтказиб, 2 та гол ва 1 та голли узатмани амалга оширган. «Transfermarkt» портали унинг нархини 10 миллион еврога баҳоламоқда.