"Arsenal" "Bolonya" va Argentina olimpiya terma jamoasi hujumchisi Santyago Kastroni transfer qilish imkoniyatini ko‘rib chiqmoqda.

"Arsenal" Kastro bilan shartnoma imzolashni istasa, shoshilishi kerak. Argentinalik futbolchining xizmatlariga “Nyukasl”, “Aston Villa”, “Everton”, “Inter” va “Yuventus” ham qiziqish bildirmoqda. Qayd etilishicha, "Bolonya" Santyagoni 40 million yevroga sotishga tayyor.

Kastro "qizil-ko‘klar" safida 2024 yilning yanvaridan buyon to‘p tepmoqda. Uning shartnomasi 2028 yilning iyunigacha amal qiladi. Joriy mavsumda 20 yoshli forvard barcha turnirlarda 20 ta o‘yin o‘tkazib, 5 ta gol urdi, 6 ta golga assistentlik qildi.