"Арсенал" "Болонья" ва Аргентина олимпия терма жамоаси ҳужумчиси Сантьяго Кастрони трансфер қилиш имкониятини кўриб чиқмоқда.
"Арсенал" Кастро билан шартнома имзолашни истаса, шошилиши керак. Аргентиналик футболчининг хизматларига “Ньюкасл”, “Астон Вилла”, “Эвертон”, “Интер” ва “Ювентус” ҳам қизиқиш билдирмоқда. Қайд этилишича, "Болонья" Сантьягони 40 миллион еврога сотишга тайёр.
Кастро "қизил-кўклар" сафида 2024 йилнинг январидан буён тўп тепмоқда. Унинг шартномаси 2028 йилнинг июнигача амал қилади. Жорий мавсумда 20 ёшли форвард барча турнирларда 20 та ўйин ўтказиб, 5 та гол урди, 6 та голга ассистентлик қилди.
