«Manchester Yunayted» yarim himoyachisi Kazemiro faoliyati davomida yevrokuboklarda 100 ta o‘yin o‘tkazdi.

32 yoshli futbolchi o‘zining 100-o‘yinida «qizil iblislar»ning Yevropa ligasida Chexiyaning «Viktoriya»si ustidan g‘alaba qozonishiga yordam berdi (2:1), maydonda 81 daqiqa o‘tkazdi. «BBC» ta’kidlaganidek, Kazemiro Yevropa musobaqalarida 100 ta o‘yin o‘tkazgan o‘ninchi braziliyalik bo‘ldi. Yarim himoyachi «Real» safida 73 marta, «Manchester Yunayted»da 19 marta, «Portu»da 8 marta maydonga tushgan.

Kazemiro «Manchester Yunayted»ga 2022 yil avgustida kelib qo‘shilgan edi. Uning mankunianliklar bilan amaldagi shartnomasi 2026 yilning o‘rtalariga qadar tuzilgan.