«Манчестер Юнайтед» ярим ҳимоячиси Каземиро фаолияти давомида еврокубокларда 100 та ўйин ўтказди.
32 ёшли футболчи ўзининг 100-ўйинида «қизил иблислар»нинг Европа лигасида Чехиянинг «Виктория»си устидан ғалаба қозонишига ёрдам берди (2:1), майдонда 81 дақиқа ўтказди. «BBC» таъкидлаганидек, Каземиро Европа мусобақаларида 100 та ўйин ўтказган ўнинчи бразилиялик бўлди. Ярим ҳимоячи «Реал» сафида 73 марта, «Манчестер Юнайтед»да 19 марта, «Порту»да 8 марта майдонга тушган.
Каземиро «Манчестер Юнайтед»га 2022 йил августида келиб қўшилган эди. Унинг манкунианликлар билан амалдаги шартномаси 2026 йилнинг ўрталарига қадар тузилган.
