"PSJ"ning sobiq futbolchisi, hozirda "Al-Hilol"da o‘ynayotgan Neymar Parijdagi davri haqida gapirdi.

Braziliyalik futbolchi 2017 yildan 2023 yilgacha Liga 1 giganti sharafini himoya qilgan, shundan so‘ng Saudiya Arabistoniga ko‘chib o‘tgandi.

"PSJ"dagi tajribamni ham ijobiy, ham salbiy deb atash mumkin. Ijobiysi shundaki, men faoliyatimning cho‘qqisida edim, salbiysi shundaki, men doimo jarohat oldim.

Men hech qachon to‘liq mavsum o‘ynay olmadim. Bu achinarli. Lekin "PSJ"da boshdan kechirgan ijobiy daqiqalarimni hech qachon unutmayman.

Ayniqsa, Chempionlar ligasi finaliga chiqishni. Biz g‘alaba qozonishimiz mumkin edi, ammo finalda hammasi kichik vaziyatlarga bog‘liq edi.

Biz bu klubni birinchi Chempionlar ligasi finaliga olib chiqqanimizni unutmasligimiz kerak. Ha, yutqazdik, ammo bu futbolning bir qismi.

Siz har doim ham g‘alaba qozona olmaysiz. Ha, men avval ham “Barselona” bilan bu turnirda g‘alaba qozonganman, lekin buni “PSJ” bilan ham takrorlashni juda xohlardim”, — deya Neymarning so‘zlarini keltiradi PSG Report.