Milanning «Inter» klubi va Braziliya terma jamoasi mashhur sobiq hujumchisi Adriano «Marakana» stadionida o‘z xayrlashuv o‘yinini o‘tkazdi.  

42 yoshli hujumchi o‘yinning har bir bo‘limida «Flamengo» afsonalari va Italiya do‘stlari jamoalari safida ishtirok etib, har bir jamoa uchun bittadan gol urdi. O‘yin 4:3 hisobida «Flamengo» afsonalari g‘alabasi bilan yakunlandi.  

Uchrashuvning 30-daqiqasida o‘yin to‘xtatildi, va stadion ekranida Adrianoning 2004 yilda vafot etgan marhum otasining surati namoyish etildi. Adrianoning otasi ovozi sun’iy ong yordamida qayta tiklanib, futbolchiga yo‘llangan xabar ustida ishlangan. Bu tadbir Adrianoni chuqur his-tuyg‘ularga berilib, ko‘z yoshlarini to‘kishiga sabab bo‘ldi.  

Adriano 2016 yili futbolchilik faoliyatini yakunlagan. Xayrlashuv o‘yini haqida o‘z fikrlarini bildirib, u shunday dedi:  

«Ko‘pchilik mendan xayrlashishimni so‘rardi. Men bir necha yil avval o‘ynashni to‘xtatgan bo‘lsam ham, bu o‘yin mening hayotim davrini yakunlash uchun zarur edi. Meni qo‘llab-quvvatlagan va hozirgacha yonimda bo‘lgan barchaga majburiyatimni ado etishni istadim».