«Nasaf»dan «Neftchi» safiga o‘tgan serbiyalik futbolchi Zoran Marushich farg‘onaliklar matbuot xizmatiga qisqacha intervyu berib, o‘z fikrlari bilan o‘rtoqlashdi.

«Neftchi» O‘zbekistonning eng taniqli klublaridan biri sifatida boy tarixga, mustahkam an’analarga, sodiq muxlislar armiyasiga ega jamoa hisoblanadi. Bu klubga o‘tishimga uning menga samimiy qiziqishi va ambisiyalari sabab bo‘ldi.

Ishonchim komilki, yangi mavsum biz uchun muhim sinov va yuksalish davri bo‘ladi. Farg‘ona futboli haqli ravishda turnir jadvalida birinchi o‘rinda turishi kerak va buni isbotlash uchun hamma ishni qilamiz.

Muxlislarimizga murojaat qilmoqchiman. Stadionga albatta keling, har bir uchrashuvda bizni qo‘llab-quvvatlang. Sizning madadingiz biz uchun nihoyatda muhim. Birgalikda hamjihat bo‘lib, biz hamma narsaga erisha olamiz!", — dedi Marushich.