"Atalanta" bosh murabbiyi Jan Pyero Gasperini Italiya kubogida g‘alaba qozonish jamoaning mavsumdagi maqsadi ekanini aytib, A Seriya chempionligi uchun kurash haqida ham gapirdi.
“Italiya kubogi – bizning mavsumdagi maqsadimiz, ayniqsa, turnir formulasi bizga tezda yarim final va finalga chiqish imkonini beradi.
Bizning ambisiyalarimiz? Bu haqda ko‘p gapiriladi. Agar kimdir Skudettoni yutsa, kuchliroq bo‘lib qoladi, degani emas. Biz faqat o‘z o‘yinlarimizni o‘ynaymiz va qo‘limizdan kelganini qilamiz. Ko‘p jamoalar bir necha ochko oldinda edi, ammo biz bir qator muhim g‘alabalardan so‘ng ancha yuqoriladik, ammo bu atigi 16-tur.
Hozirdanoq Skudetto haqida gapirish hech narsani hal qilmaydi", - deya Gasperinining so‘zlarini keltiradi Football Italia.
