«Todofichajes» portalining so‘zlariga ko‘ra, «Milan» fransiyalik darvozabon Mayk Menyan bilan shartnomani 2029 yilning yoziga qadar uzaytirish bo‘yicha faol muzokaralar olib bormoqda.
Italiya klubi boshliqlari futbolchining maoshini sezilarli darajada oshirmoqchi. Yangi shartnomaga ko‘ra, yulduz darvozabon besh million yevro oladi. Shartnomada turli maqsadlarga erishish uchun bonuslar ham nazarda tutiladi.
Mayk Menyan 2021 yilda «Milan»ga o‘tgan edi. Fransiyalik futbolchi «rossonerilar» safida 131 ta o‘yin o‘tkazib, 135 ta gol o‘tkazib yuborgan va 51 ta o‘yinda o‘z darvozasi daxlsizligini saqlab qolgan. «Transfermarkt» darvozabonni 35 million yevroga baholamoqda.
