"Manchester Siti" hujumchisi Erling Xoland APL doirasida "Aston Villa"dan uchralgan mag‘lubiyatdan so‘ng (1:2) fikr bildirdi.
“Albatta, biz xafamiz. Biz yetarlicha ish qilmadik. O‘z navbatida, men ham yetarlicha ish qilmadim. “Aston Villa”da yaxshi futbolchilar bor va bu yerda o‘ynash qiyin, ammo biz “Manchester Siti”miz va biz g‘alaba qozonishimiz kerak.
Endi men o‘z o‘yinimga qarayman va hamma narsani yetarlicha bajarmayotganimni, gol ura olmayotganimni tahlil qilaman.
Men o‘z o‘yinimni yaxshilashim kerak. Albatta, bizning ishonch darajamiz eng yuqori emas. Ishonch qanchalik muhimligini bilamiz va u hammaga qanday ta’sir qilishini ko‘ramiz.
Bu to‘g‘ri, lekin biz qiyin paytlarda ham ishlashda davom etishimiz va ijobiy bo‘lishimiz kerak”, - dedi Xoland.
