"Inter" bosh murabbiyi Simone Indzagi "Komo"ga qarshi o‘yinda (2:0) g‘alaba qozonganidan so‘ng jurnalistlar bilan suhbatlashdi.
"Biz "Komo"ni maqtashimiz kerak. Raqib bu yerga keldi va ijobiy futbol ko‘rsatdi, garchi "Inter" konsentrasiyani biroz yo‘qotgan va ozroq imkon bergan bo‘lsa ham.
Birinchi bo‘limda biz odatdagidek keskin harakat qilmadik. Maydonning ahvoli ko‘ngildagidek emasdi. Bizga jon kuydirib ishlayotgan jamoa qarshi turardi, ammo biz tezlikni oshirishimiz bilanoq vaziyatni o‘z nazoratimizga olishimiz mumkinligini bilardik. Aynan shunday bo‘ldi," - dedi Indzagi Sky Sportga bergan intervyusida.
