"Интер" бош мураббийи Симоне Индзаги "Комо"га қарши ўйинда (2:0) ғалаба қозонганидан сўнг журналистлар билан суҳбатлашди.
"Биз "Комо"ни мақташимиз керак. Рақиб бу ерга келди ва ижобий футбол кўрсатди, гарчи "Интер" концентрацияни бироз йўқотган ва озроқ имкон берган бўлса ҳам.
Биринчи бўлимда биз одатдагидек кескин ҳаракат қилмадик. Майдоннинг аҳволи кўнгилдагидек эмасди. Бизга жон куйдириб ишлаётган жамоа қарши турарди, аммо биз тезликни оширишимиз биланоқ вазиятни ўз назоратимизга олишимиз мумкинлигини билардик. Айнан шундай бўлди," - деди Индзаги Sky Спортга берган интервьюсида.
